ANDOAIN CUP
Pozez iragartzen dizugu, Andoain CUP bueltan dela, bigarrenez, Gabonetako kirol-ekitaldi gisa duen posizioa indartuz. Iaz erakutsi zenuten gogoari esker, txapelketa hau jokalari, entrenatzaile eta haurren eskubaloi zaleentzako hitzordu ahaztezin batean bilakatu da.
Andoaingo (Gipuzkoa) Leizaran Eskubaloi Kluba lanean ari da 2024ko abenduaren 27, 28 eta 29an berriro ere esperientzia paregabea eskaintzeko. Aurten, emakumezkoen infantil mailan 32 taldek parte hartu ahal izateko aukera zabaldu dugu, aurreko edizioan nabarmendu zen joko garbi giroa eta kirol izpiritua mantenduz.
Lehen edizioak arrakasta borobila izan zuen: 26 taldek eta 350 jokalarik baino gehiagok 100 partida ikusgarri jokatu zituzten, elkarbizitza eredugarriko ingurune batean.
Aurten ere zuen taldearekin Andoain Cup txapelketan parte hartzera animatu nahi zaituztegu. Aurretiko izen-emate epea azaroaren 6tik 15era egongo da zabalik. Lekuak mugatuak dira, eta eskabideen hurrenkerari zorrotz jarraituz esleituko dira. Aurretiko izen-ematea gure webgunean eskuragarri dagoen formularioaren bidez egin daiteke; prezioa, talde bakoitzeko 200 €koa izango da.
Saria: 2025eko ekainean egingo den Granollers Cupen parte hartzeko txartela talde irabazlearentzat, ostatua, otorduak eta txapelketako egunetan egon daitezken desplazamenduak barne.
Informazio gehiago behar izanez gero, gurekin harremanetan jar zaitezke posta elektronikoaren bidez: andoaincup@leizaraneskubaloia.
